澳门足球新闻（2013年4月13日）

《澳门体育周报》

春季自由波地球類賽報名

體育發展局與民政總署合辦，中國澳門籃球總會和澳門足球總會協辦，於4月至5月期間繼續舉辦2013年春季『自由波地』球類比賽活動，一連五個周日上午10時30分至下午6時在不同的自由波地球場進行賽事。舉辦單位希望透過『自由波地』這個平台，宣傳推廣大眾體育，鼓勵市民大眾善用餘暇恆常進行體育鍛練，提高身體健康素質，亦藉此為各社區熱愛球類運動的市民提供互相交流、展現球技的機會。

比賽場地及日期分別為4月21日(氹仔) 戶外天地、28日永寧自由波地、5月5日黑沙環中街自由波地、12日媽閣自由波地及19日總決賽於鴨涌河自由波地。

賽事設男子三人籃球及足球賽，女子三人籃球賽，男子及女子籃球及足球個人球技技巧賽。

籃球組別：設男子公開組32隊、初級組16隊及少年組8隊，女子組公開組8隊、初級組8隊。除公開組每隊允許一名2012-2013年度聯賽(包括高級組、公開組、初級組)、銀牌賽之球員參賽，其他組別不允許。

足球組別：設男子公開組20隊、初級組8隊及少年組8隊，除公開組每隊允許一名2012-2013年度甲、乙、丙組之聯賽球員參賽，其他組別不允許。籃球、足球個人球技賽：男女子不分組比賽，分上、下午進行，名額30人。

報名表格可到體育發展局或該局轄下場地索取，亦可在體育發展局網頁（www.sport.gov.mo）下載。第一賽區報名由4月15日開始，其餘各賽區可於比賽日前的星期五中午12:00前，將報名表交至體育發展局或傳真至87965611。比賽當日在上、下午兩段時間亦接受現場餘額報名，上午時段之餘額及個人技巧賽報名時間為10:00-10:30；下午時段之餘額及個人技巧賽報名時間為13:00-13:30。

比賽設有豐富獎品，各賽區前4名之球隊或個人技巧賽球員，可獲頒體育用品代金劵，各賽區之冠軍隊伍成員，同時可獲贈 “冠軍球衣”。為增添賽事的連貫性，活動設有最高得分球隊獎，按各賽區（包括總決賽）的名次總得分定出最高得分之隊伍，另外頒予總冠軍獎品。此外，凡參加總決賽及兩個分區賽或以上的隊伍成員，均可於總決賽當日獲得精美紀念品一份。歡迎大眾市民組隊參加，如有查詢，請致電體育發展局查詢熱線2823-6363，或瀏覽網頁www.sport.gov.mo。

運動興衰　場地好有關係

上周體壇發生一單笑話，足總盃同全澳殘障人士運動日，撞到正一正，結果兩場足球賽改期遷就，事件就咁平息？筆者諗，強力追究又太誇張，畢竟很少出現咁大烏龍。但就咁算，又講唔通，負責場地嘅體發局要搵出原因所在，避免事件再度發生，否則到時就唔係烏龍事件咁簡單，笑吓就算。

球場仍然唔見駛

撇除烏龍事件，澳門場地問題都有排講。雖然經過二零零五東亞運、二零零六葡語運同二零零七亞室運後，澳門體育場地多咗好多，但依家都唔係好見得駛，尤其體發局近年大力搞大眾體育，唔少場地都要遷就，搬到澳門蛋，結果就出問題。雖則澳門蛋場地好正，但比賽少人睇，運動員、總會都無乜癮，奈何？

諗多啲計就得

當然，搞大眾體育幾時都無錯，問題係調度安排。大眾體育同精英體育唔係你死我活，絕對可以協調，諗多啲計就得，唔好鑽牛角尖。或者將平日總會練習同比賽分開來諗，可以搵到一條出路。

無場地　曉飛都無用

一項運動嘅興衰，同場地好有關係，可以講係基本條件，無場地，球員、總會曉飛都無用。足球就有版你睇，咁多年都搞唔起就因場地太少、人太多關係。另一項比場地搞死嘅運動就係排球，連澳門隊練波都唔算太穩定，屬會球隊更加諗都唔駛諗，自己無辦法就聽天由命。現在排球越搞越差，青黃不接，睇見都傷心。

個個等住望廈體育館

望廈體育館重建希望如期落成，全澳門嘅運動員都等住呀！工務部門唔好再延誤，好唔好？

陸綠六