澳门足球新闻（2014年1月3日）

《澳门日报》

首個工廈足球場面世

“打波至嚟落雨，唔通連個天都唔鍾意我？”年輕人，凡事想得積極點，廣告最後都有教：“其實落雨又有乜好怕，希望在明天嘛。”不過而家唔需要再等明天，如果打風落雨想踢波，也可隨時起行，去室內場吧！

邊度有？上網找找Vita Space域空間啦。域空間是澳門首個工廈足球場，雖未正式開業，但試業期間已有不少波友收到風，去過踩場，當中最抵讚的是廿四小時打開門口做生意，咁就不用擔心收夜班或壞天氣影響踢波大計啦。講咁耐，究竟地址喺邊？為免讀者以為賈某賣廣告，自己去八吓啦！

活化工廈，鄰埠早已成潮流，由初期大部分以藝術創作基地為主，再演變為室內運動場，祇要想得出，而且符合法例，都行得通。在體育場地嚴重不足的濠江小城，工廈室內場絕對是值得考慮的解決方法，也可能是一個前景無限的商機。

踢開自由波地的朋友可能會覺得：“做乜要畀錢踢波？”但對於一些收夜班的波牛來說，開廿四粒鐘的工廈足球場是唯一的地方。特區政府也曾提過研究在工廈興建室內場的可行性，但至今不了了之，究竟係唔得？定係唔記得？

賈大廚